PUPUH
MENGARANG PUPUH
Ginada.
Girang ring sejeroning galang
Nusuk galang kehalangin
Jengahe ngaruruh galang
Yadiastun pedut ngaliput
Setata katuwuk tiang
Mangda jati
Dados jadma mahutama
Ginada.
Ne mangkin bapa ngindayang
Artin satya ne pang uning
Ento sila kaping tiga
Melahang cening mangerungu
Sang satya tan nahan bobab
Jujur sahi
Makadi satya wacana
Sinom ( Pak Tani)
Ring carike sane linggah
Pantun nejani sampun kuning
I cetrung ngelah pianak
Nanging kantun alit alit
Rawuh sang madrebe carik
Sane benjang durus ngampung
Kaangi padi punika
I cetrung sedih ngurunik
Ratu agung
Kudyang jani ban madaya
Sinom.
Ritat kala dina melah
Nyen ane lakar juari
Tekening sang pradnyana
Sane luih tur sujati
Nyengcengang jagat lan gumi
Maha sami sampun manut
Ring sejeroning pikayunan
Maarep becik lan luih
Anggen suluh
Sinah ngawi jagat galang
Sinom.
Jalan jani magarapan
Ujane sube ngerimis
Nandur sarwa mabuah
Jagung kedele jan padi
Ne mekejang isin gumi
Kaanggen nyambungan tuwuh
Tuwuh nyane imanusa
Yening digumine dini
Maka tuhu
Jagat melah pacang ngardi
Ginada.
Wantah kawruhe tunggal
Ngawtuang rasa tunggil
Rasane tunggil nguwanang
Sarirne sering mapunduh
Yening kaweruhe tungkas
Sinah sulit
Pacing ngatepang sarira
Ginada
Sanget pelih irerama
Ne tan ngaja pianak cenik
Halan kuange mangajah
Tan wrung pacing katemu
Pemdan sipoking panak
Mangeninin
Krana tan dadi ampahang
Ginada
Sujatinya luwih utama
Masawitra kadi mangkinreh sami saling arsayang
Sarat ring dharma kasadhun
Ngawit saling aksamayang
Pang kajudi
Maka sami ne kabwatang
Ginada
Amuniki prasida titiyang
Ngiring ida dane sami
Mangaturang wewacenan
Sinah sampun tuna langkung
Tata base pepojolan
Ledang ugi pamiyarse ngampurayang
Maskumambang.
Panca sila dasar jagat
Lintang becik ngardi pari purna
Negara iriki
Sareng sami ngtamayang
Tidak ada komentar:
Posting Komentar